Greiðsluþáttaka SÍ

Skilyrði fyrir greiðsluþátttöku Sjúkratrygginga Íslands í efnaskiptaaðgerðum vegna offitu. Sömu skilyrði eru fyrir tilvísun til aðgerðar á Landspítala.

Einstaklingur sem óskar eftir greiðsluþáttöku getur valið um tvær leiðir til að fá undirbúning og staðfestingu á að hann hafi lokið undirbúningi og uppfylli skilyrði. Önnur leiðin er gegnum offitumeðferð Reykjalundar og hin leiðin er í gengum undirbúning hjá Mín besta heilsa þar sem hægt er að sækja fræðslu á námskeiðinu Fræðsla um efnaskiptaaðgerðir og hitta lækna sem hafa sérhæft sig í offitumeðferð ásamt öðrum fagaðilum sem á þarf að  halda. Eftirfarandi er haft að leiðarljósi:

• Einstaklingur óskar eftir að fara í aðgerð
• Er yfir 40 í LÞS eða yfir 35 með ákveðna fylgisjúkdóma s.s. sykursýki, hjartasjúkdóm eða kæfisvefn. Metið er hve mikla heilsufarslega áhættu offitan hefur í för með sér og þar eru margir þættir teknir til greina.
• Skilur eðli aðgerðarinnar og afleiðingar hennar
• Er reyklaus
• Er ekki með virkan fíknisjúkdóm eða aðra sjúkdóma sem geta haft áhrif á árangur aðgerða
• Er tilbúinn til að tileinka sér þær breytingar á lífsháttum sem aðgerð felur í sér og að vera í ævilöngu eftirliti

Undirbúningur hjá Mín besta heilsa felst annarsvegar í fræðslu. Hvaða aðgerð á við og afhverju. Af hverju mikilvægt er að koma sem bestu jafnvægi á þyngdarstjórnunarkerfi líkamans fyrir aðgerð og hvað áhrif það getur haft á langtímaárangur aðgerðarinnar. Skilja hvað breytist, hvað breytist ekki, hvar liggur óvissan, hverju þarf að fylgjast með og hvert á að leita ef eitthvað kemur uppá. Það gerum við á námskeiðinu; Fræðsla um efnaskiptaaðgerðir

Hinsvegar felst undirbúningur í að koma líkama og sál í sitt besta jafnvægi. Koma reglu á daglegt líf, nærast vel og koma sjúkdómum ef til staðar eru í jafnvægi. Leiðeiningar um þau skref er líka að finna á námskeiðinu. Í viðtölum er sett upp áætlun um hvað hver einstaklingur þarf að gera fyrir aðgerð til að vinna að bættri heilsu fyrir aðgerð. Þegar skilyrði eru uppfyllt er hægt að senda inn umsókn um greiðsluþátttöku hins opinbera vegna aðgerðar. 

Mjög mismunandi er hve langan tíma undirbúningsferlið tekur. Algengt er að það taki frá tveim til sex mánuðum ef markvisst er unnið en getur líka tekið lengri tíma. Mikilvægt er að líta á þetta tímabil sem tækifæri til að bæta heilsu og hámarka líkur á langvarandi árangri en ekki sem biðtíma. Fyrsta skrefið er að fræðast og skoða hvaða leið hentar best.